Take a fresh look at your lifestyle.

Bank Opening Time : आजपासून बँक उघडण्याची वेळ बदलली, ग्राहकांना फायदा होणार, जाणून घ्या कसा?

Bank Opening Time Changed : आरबीआय (RBI) ने १८ एप्रिल २०२२ पासून हे बदल लागू केले आहेत.

0

Bank Opening Time : बँक खातेधारकांसाठी दिलासादायक बातमी आहे. आजपासून बँका सकाळी 9 वाजल्यापासून उघडल्या आहेत. बँकेतील सुविधांचा लाभ घेण्यासाठी ग्राहकांना एक तासाचा अतिरिक्त वेळ मिळणार आहे.

मुंबई : मुंबईसह देशभरातील कोट्यवधी बँक ग्राहकांसाठी एक मोठी आणि दिलासादायक बातमी आहे. सोमवारपासून म्हणजेच आजपासून (18 एप्रिल) मुंबईसह देशभरातील बँकांच्या कामकाजाच्या वेळेत मोठा बदल करण्यात आला आहे. यामुळे ग्राहकांची मोठी सोय होणार आहे. सोमवारपासून बँक उघडण्याची वेळ सकाळी नऊची झाली आहे. यामुळे ग्राहकांना त्यांचे काम पूर्ण करण्यासाठी अतिरिक्त तास मिळेल. मात्र, बँका बंद होण्याच्या वेळेत कोणताही बदल झालेला नाही. म्हणजेच पूर्वीच्या वेळेतच बँका बंद होतील.

कोरोना विषाणूच्या साथीमुळे दिवसभरात बँका उघडण्याचे तास कमी करण्यात आले होते. जे आता पुन्हा आधीप्रमाणे करण्यात आले आहे. ही नवीन सुविधा 18 एप्रिल 2022 पासून म्हणजेच आजपासून लागू झाली आहे.

रिझर्व्ह बँक ऑफ इंडिया (RBI) च्या म्हणण्यानुसार, सोमवारपासून (18 एप्रिल) बँका उघडण्याच्या वेळा बदलण्यात आल्या आहेत. आता बँका सकाळी 9 वाजता उघडतील, तर बँका बंद होण्याच्या वेळेत कोणताही बदल करण्यात आलेला नाही. म्हणजेच आता ग्राहकांना पूर्वीपेक्षा एक तास अतिरिक्त वेळ मिळणार आहे. ज्याद्वारे ग्राहक बँकिंग सेवांचा लाभ घेऊ शकतात. स्टेट बँक ऑफ इंडियासह देशात सात सरकारी बँका आहेत, त्याशिवाय देशात 20 हून अधिक खाजगी बँका आहेत ज्यांना हा नियम लागू होईल.

दरम्यान, RBI ने बँकेच्या ग्राहकांसाठी ATM संबंधी एक नवीन घोषणा केली आहे, हे जाणून तुम्हाला आनंद होईल.

कार्डलेस एटीएममधून लवकरच व्यवहार करण्याची सुविधा
आता लवकरच कार्डलेस एटीएममधून व्यवहाराची सुविधा उपलब्ध करुन देण्याची तयारी बँकांमध्ये सुरु आहे. याद्वारे ग्राहकांना UPI द्वारे बँका आणि त्यांच्या एटीएममधून पैसे काढता येणार आहेत. कार्डलेस म्हणजेच कार्डलेस व्यवहार वाढवण्यासाठी आरबीआय हे पाऊल उचलणार आहे. यासाठी सर्व बँका आणि त्यांच्या एटीएममधून पैसे काढण्याची सुविधा UPI द्वारे दिली जाईल.

एटीएमशी संबंधित फसवणुकीत घट होणार
या सुविधेमुळे एटीएमशी संबंधित फसवणूक कमी होईल, असा विश्वास आरबीआयला आहे. कार्डलेस ट्रान्झॅक्शनमुळे व्यवहार सोपे होतील आणि कार्डलेस ट्रान्झॅक्शनमुळे कार्ड क्लोनिंग, कार्ड चोरी यासह इतर अनेक फसवणूक रोखण्यात मदत होईल.

Leave A Reply

Your email address will not be published.