संघटनात्मक मार्गदर्शक जिल्हाध्यक्ष महेंद्र रोठे यांच्याप्रती गुरुपौर्णिमेच्या दिवशी कृतज्ञता व्यक्त

शेगांव :
गुरुपौर्णिमेच्या दिवशी प्रत्येकजण आपल्या गुरूचा आदर करतात. या दिवशी गुरूप्रती कृतज्ञता व्यक्त करतात.अर्थात गुरुप्रति आदर आणि कृतज्ञता व्यक्त करण्यासाठी हा विशेष दिवस साजरा केला जातो.
मार्गदर्शक गुरू यांचा सन्मान आणि कृतज्ञता व्यक्त करण्यासाठी समर्पित दिवस म्हणून गुरुपौर्णिमेला खूप महत्त्व आहे. मार्गदर्शन आणि प्रबोधन करताना बजावत असलेल्या भूमिकेची एक आठवण करून देणारा हा दिवस असतो.
संपुर्ण जिल्हयात संघटनात्मक बांधणी करण्यात निष्णात असलेले प्रहार शिक्षक संघटनेचे जिल्हाध्यक्ष महेंद्र रोठे संघटनात्मक मार्गदर्शन व प्रबोधन करत असल्यामुळे त्याचे स्थान संघटनात्मक मार्गदर्शक गुरू असे सर्व प्रहार शिक्षक संघटनेच्या पदाधिका-यासह अनेक शिक्षकांच्या ह्रदयात आहे.
प्रहार शिक्षक संघटनेच्यावतीने गुरू पोर्णिमेचे औचित्य साधून जिल्हाध्यक्ष महेंद्र रोठे यांना तालुकाध्यक्ष सुनिल घावट यांनी पुष्पगुच्छ देऊन कृतज्ञता व्यक्त केली.
याप्रसंगी प्रहार शिक्षक संघटनेचे कार्याध्यक्ष सचिन वडाळ व आदी पदाधिकारी उपस्थित होते.

गुरुपौर्णिमेचे औचित्य साधून संघटनात्मक मैत्रीविषयक,मार्गदर्शक गुरूविषयक कृतज्ञता व्यक्त करतांना प्रहार शिक्षक संघटनेचे पदाधिकारी.