Viral Video : ‘कच्चा बदाम’ फेम भुबन बड्याकरने पंचतारांकित हॉटेलमध्ये केला लाइव्ह परर्फोमन्स, प्रेक्षक भारावले

गेल्या काही दिवसांपासून ‘कच्चा बदाम’ हे बंगाली गाणं सोशल मीडियावर प्रचंड व्हायरल झालं आहे. या गाण्यावर प्रत्येकजण रिल व्हिडीओ बनवत आहे. ज्या व्यक्तीने हे गाणं गायलं आहे त्याच नाव भुबन बड्याकर आहे. आधी भुबन रस्त्यावर शेंगदाणे विकताना गाणं गुणगुणायचा आणि आज तो कोलकातामधील एका पंचतारांकित हॉटेलमध्ये स्टेजवर गाणं गात पर्फोमन्स करतोय.

भुबन स्टेजवर येताच लोकांनी त्याला प्रोत्साहन देण्यास सुरुवात केली. टाळ्या वाजवायल्या, त्याचे नाव घेऊन त्याला चीअर करू लागले. या कार्यक्रमादरम्यान तो एका पाहुण्यासोबत हुक स्टेप करतानाही दिसला. त्याचा व्हिडिओ सोशल मीडियावर प्रचंड व्हायरल होत आहे. तर, सोशल मीडिया सेन्सेशन भुबन बड्याकर ब्लिंगी जॅकेट, टी-शर्ट आणि जीन्समध्ये दिसत आहे.