Take a fresh look at your lifestyle.

मेघालयात परिस्थिती चिघळली, मुख्यमंत्र्यांच्या घरावर पेट्रोल बॉम्बनं हल्ला

0

शिलाँग : मेघालयाचे मुख्यमंत्री कोनराड संगमा यांच्या निवासस्थानावर पेट्रोल बॉम्बनं हल्ला करण्यात आल्याची घटना समोर आलीय. रविवारी रात्री उशिरा ही घटना घडली.

संगमा यांच्या घरावर काही अज्ञातांनी पेट्रोल बॉम्ब फेकला आणि इथून पळ काढला. मुख्यमंत्र्यांचं हे निवासस्थान अप्पर शिलाँगच्या थर्ड माईल भागात स्थित आहे.

पोलिसांनी दिलेल्या माहितीनुसार, ही घटना रात्री जवळपास १०.१५ वाजता घडली. एका वाहनातून आलेल्या हल्लेखोरांनी मुख्यमंत्री निवासस्थानाच्या परिसरात पेट्रोलनं भरलेल्या बाटल्या फेकल्या. परंतु, सुरक्षा यंत्रणांच्या सतर्कतेमुळे या घटनेत कुणीही जखमी झालेलं नाही किंवा कोणतंही नुकसान झालेलं नाही.

पेट्रोलनं भरलेली पहिली बाटली निवासस्थानाच्या पुढच्या भागात तर दुसरी बाटली घराच्या मागच्या भागात फेगण्यात आली. यामुळे आगही लागली परंतु, चौकीदारानं ताबडतोब ही आग विझवली.

चार जिल्ह्यांत इंटरनेट बंदी

स्वातंत्र्य दिनालाच राज्याची राजधानी आणि आजुबाजुच्या भागात तोडफोड आणि आगीच्या घटनेनंतर राज्य सरकारकडून शिलाँगमध्ये कर्फ्यू लावण्यात आलाय. येत्या १७ ऑगस्ट रोजी सकाळी ५.०० वाजेपर्यंत हा कर्फ्यू सुरू राहील. राज्यातील जवळपास चार जिल्ह्यांत मोबाईल इंटरनेट सेवांवर बंदी घालण्यात आलीय.

विद्रोही नेते चेरिशस्टरफिल्ड थांगख्यू यांचा मृत्यू

मेघालयाचे माजी विद्रोही नेते चेरिशस्टरफिल्ड थांगख्यू यांच्या एन्काऊंटरनंतर या भागात हिंसाचाराच्या घटनेत वाढ झालीय. या घटनेनंतर राज्यातील परिस्थिती चिघळत असतानाच रविवारी सायंकाळी राज्याचे गृहमंत्री लखन रिंबुई यांनी तडकाफडकी आपला राजीनामा सोपवला आहे. राजीनामा देताना त्यांनी मुख्यमंत्री संगमा यांना एक पत्रही लिहिलंय.

गृहमंत्र्यांचा तडकाफडकी राजीनामा

पोलिसांच्या छापेमारीनंतर चेस्टरफिल्ड यांना कायद्याच्या विरुद्ध जाऊन कारवाई करत मारण्यात आलं, या घटनेवर मी दु:ख व्यक्त करतो, असं रिंबुई यांनी आपल्या पत्रात म्हटलंय.

सोबतच, आपल्याला लवकरात लवकर गृहमंत्रालयाच्या जबाबदारीतून मुक्त करावं, असंही गृहमंत्री रिंबुई यांनी मुख्यमंत्र्यांना म्हटलंय. चेरिशस्टारफिल्ड यांच्या मृत्यू प्रकरणाची स्वतंत्र आणि निष्पक्ष चौकशी करणं सोपं जाईल आणि सत्य परिस्थिती सर्वांसमोर येईल, अशी आशा त्यांनी व्यक्त केलीय. तसंच या प्रकरणाच्या न्यायालयीन चौकशी करण्याची मागणी त्यांनी केलीय.

आपला पक्ष ‘युनायटेड डेमोक्रेटिक पक्षा’नंही आपल्या राजीनाम्याच्या निर्णयाचं समर्थन केलंय. पक्षासोबत चर्चेनंतरच आपण हा निर्णय घेतल्याचंही रिंबुई यांनी म्हटलंय.

 

 


[cardoza_facebook_like_box]

वार्ताहर नेमणे आहेत

मराठी बातम्या मिळवा आता टेलीग्रामवर.. आमचं चॅनेल (@Batmyaa) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Leave A Reply

Your email address will not be published.