खामगाव-शेगांव कर्मचारी पतसंस्थेच्या निवडणूकीमध्ये ” परिवर्तन ” होणार

खामगाव : खामगाव-शेगांव शिक्षक सहकारी पतसंस्थेच्या निवडणूकी रणधुमाळी सुरू झालेली आहे. या निवडणूकीमध्ये कार्यक्षम व योग्य उमेदवार निवडण्यासाठी शिक्षक मतदार सुज्ञ असुन भुलथापांना आता मतदारराजा बळी पडणार नाही. कुणाला विजयी करायचे आणि कुणाचा पराभव करायचा याचा निर्णय शिक्षक मतदारांनी यावेळी घेतलेला असुन या निवडणूकीमध्ये परिवर्तन करण्यासंदर्भात मतदार बोलक्या प्रतिक्रिया दिल्या व एकाधिकारशाही व मनमानी कारभाराला कंटाळल्यामुळे या निवडणूकीमध्ये पंधराच्या पंधराही जागेवर परिवर्तन पॅनलचेच उमेदवार विजयी करण्याचा निर्धार सभासदांनी व्यक्त केलेला आहे.

          नवीन चेहरे असलेले,प्रदीर्घ अनुभव असलेले व उच्चशिक्षित असलेले केंद्रप्रमुख, उच्चश्रेणी मुख्याध्यापक शिक्षक तसेच नवतरुण अभ्यासू उमेदवार परिवर्तन पॅनलच्यावतीने निवडण्यात आलेले आहेत, पतसंस्थेच्या हितासाठी व सभासदांच्या आर्थिक लाभाच्या योजना जाहीरनाम्यात नमुद करण्यात आलेल्या आहेत.

          गेल्या अनेक वर्षांपासून एकच एक सत्ता असल्यामुळे पतसंस्थेची पाहिजे तशी प्रगती झालेली नाही,वाढती महागाई लक्षात घेता कर्ज मर्यादा अल्प आहे त्यामुळे घरबांधकाम व भूखंड खरेदी करणे सुद्धा शक्य होत नाही,अनेक वर्षापासून एकच एक संचालक असल्यामुळे मनमानी कारभाराविषयी सभासदांची नाराजी असल्याचे दिसून येत आहे, सेवानिवृत्त सभासद पतसंस्थेची धुरा सांभाळत असल्याचीही कुजबुज शिक्षक दिसून येत सभासदांमध्ये आहे.

          परिवर्तन पॅनलच्या उमेदवारांनी सभासदांच्या भेटीदरम्यान पतसंस्थेतील अनेक न पटणा-या बाबी याविषयीची खदखद मतपेटीतून व्यक्त करून यावेळी परिवर्तन पॅनलला विजयी करण्याचा निर्धार सभासदांनी केलेला असल्यामुळे निश्चितच परिवर्तन होणार असल्याची चर्चा शिक्षक वर्तुळात सुरू आहे.